Sculpturas pittüradas da lain servivan illa clostra avant tuot sco purtrets per l’uter o per la devoziun. Da quista funcziun dan perdütta eir duos ouvras dal temp romanic e gotic.

La figüra d’üna madonna cun uffant dal temp intuorn 1250 pudaivan dovrar las muongias dal giuven convent a Müstair per l’approfuondaziun. Ella es üna da las pacas ouvras mantgnüdas da quel temp. 

Ün oter focus sco il purtret da la mamma da Dieu cul uffant Gesu metta la preschantaziun dad üna uschenomnada pietà da la 2. metà dal 14avel tschientiner. Ella muossa a Maria in tristezza pervi da la mort da seis figl.

Sün uters sun gnüts miss i’l temp d’immez gugent retabels da l’uter. Els vaivan suvent tablas lateralas moviblas e vegnan nomnats uschè eir uters cun alas. Cun quellas pudaiva ün purtret d’uter spezialmaing creà a trais dimensiuns i’l center gnir cuernà dürant lavurdis e be dürant dis da festa e solens gnir muossà festivmaing. I’l  dormitorium sun visiblas duos alas dad uschè ün uter ad alas. Ellas derivan bain dal temp intuorn il 1520 e vegnan attribuidas al sculptur Jörg Kändel. Tipic pel temp da la gotica tardiva es il stil narrativ da las preschantaziuns.

Ellas derivan da l’uter prinzipal anteriur illa baselgia clostrala dal temp intuorn 1630. Dal 1878 es gnü rimplazzà l’uter tras ün ensemble d’uter neogotic. Las sculpturas sun però gnüdas missas in salv. Ellas sun hoz üna da las pacas perdüttas da l’ouvra da Johannes Patsch.

Fin a la fin da la restauraziun dal 2026 po gnir admirà in baselgia il purtret central da l’uter, la madonna dal rosari. Ulteriuras figüras da l’ensemble sun expostas i’l museum aint il dormitorium. Tanter quellas sun eir il fundatur legendari da la baselgia Carl il Grond o il patrun-baselgia Joannes Battista.