1630: La chombra Balcun At
Dal 1613 è Ursula Carl de Balcun At entrada cun 16 onns en la claustra. L'onn 1625 è ella vegnida elegida sco priura, suenter ch'ella aveva renunzià a la dignitad d'abadessa a favur da Caterina Mohr ch'era pli veglia. Tschintg onns pli tard sa lascha ella drizzar en ina pitschna abitaziun cun vestibul, stiva e chombra. Quai n'è betg stà la regla, perquai che atgnas residenzas eran be reservadas a las abadessas.
Chombra Balcun AT: Müstair – Turitg e return
„Nagin auter fabricat da la claustra n'è daventà talmain intim sco questa stivetta.“, ha scrit Josef Zemp al cumenzament dal 20-avel tschientaner. El aveva perscrutà l'areal da la claustra ed aveva cumprà la stanza per il Museum naziunal svizzer. Là è quella vegnida preschentada var 70 onns en l'exposiziun permanenta. L'onn 2000 ha ella pudì vegnir fabritgada en puspè en ses lieu original sco emprest permanent, nua ch'ella è oz accessibla al public. La "Chombra Balcun At", la stiva da la priura Ursula, pon ins oz vesair en il museum.
1642: Construcziun da l’abitaziun dal prinzi uvestg
L'appartament per il prinzi uvestg ha l'abadessa Ursula V. Carl de Balcun At fatg fabritgar sur l'ala dal nord da la residenza da l'uvestg romanica tempriva. La stiva vegn ornada d'in tavlegià da schember cun entagls prezius, d'ina pigna cun plattinas cun glasura da colur sco er d'in balcun tort cun sguard sin la curt d'economia. Dasper chatt' ins ina chombra, er tavlegiada cun schember, ed ina cuschina cun arvieut. Plinavant tutga tiers in local da reuniun cun bleras vopnas ed ils maletgs dals sontgs patruns da las conventualas da quella giada. Davent da la stgala s'avra ina fanestra en la Chapella dal Sontg Nicolaus.
1512: Constituziun da l’abazia da Castelmur
L'abazia da Barbara de Castelmur cumpigliava in grond vestibul cun bucca-pigna per la pigna da stiva, la stiva abaziala ritgamain entagliada cun balcun tort, pigna e banc-pigna, e la chombra cun isch a l'archiv da la claustra e sortida al secret vi da la fatschada dal nord. Quest access privat e controllà a l'archiv è ina spezialitad. Pli tard è quel vegnì serrà e remplazzà tras in'entrada nà dal sid.
Il tavlegià gotic-tardiv è fin ciselà sin in fund da palpiri cotschen. Er las curnischs ornamentalas èn per part coluradas. Ed in ritg decor entaglià chattain nus er en la chombra.
1676: La stanza Albertis
Suenter la mort da l'abadessa Ursula V. Carl de Balcun At ils 5 da december 1666 han las otg mungias da la claustra elegì Dorotea de Albertis da Bormio sco successura. Sco sia antecessura Ursula Carl de Balcun At ha er ella bler fabritgà. Uschia ha ella fatg fabritgar sia residenza l'onn 1676 en la tur d'entrada gotica tardiva dal sid.
![[Translate to Romanisch:] Das Hermaninzimmer](/fileadmin/_processed_/e/c/csm_csm_1751_hermaninzimmer_muestair_ced67c1765_8fce6ecb73.jpeg "[Translate to Romanisch:] Das Hermaninzimmer")
1751: La sala Hermanin
La badessa Maria Angela Katharina Hermanin di Reichenfeldt fece costruire la sua residenza al di fuori degli spazi di clausura, come gli abati usavano fare al quel tempo. Al primo piano dell'ala ovest si trovava quindi la sala Hermanin caratterizzata da pareti rivestite e porte incorniciate.
Nel 1787 i rivestimenti furono dipinti di grigio-blu con profili rosa salmone; mentre motivi floreali abbellivano porte e armadi a muro. La stufa in maiolica blu si è conservata in questa sala oggi adibita a refettorio per ospiti.
