1492 Construcziun da l’empora da las mungias e da l’arvieut
Tadlar las uras canonicas da las mungias
L'empora da las mungias tutga tar la clausura. Da stad sa radunan las mungias benedictinas da Müstair là tschintg giadas al di per lur uras canonicas monasticas. Visitaders da la baselgia claustrala èn envidads da tadlar l'uraziun da las mungias e da chattar tras il sfunsar en ils psalms forsa er sezs in pau quietezza e pasch interiura.
La baselgia-sala carolingica daventa ina baselgia cun nav tripla
L'abadessa Angelina Planta ha laschà fabritgar l'empora per las mungias, l'arvieut, e ils pilasters en 1488-1492. Uschia è la baselgia daventada ina baselgia cun nav tripla. Quella giada eran ils frescos carolingics per gronda part gia surpicturads e per part renovads cun ils maletgs gotics.
![[Translate to Romanisch:] Freilegung der Wandmalereien in der Klosterkirche](/fileadmin/_processed_/9/3/csm_1947_kirchenrestaurierung_muestair_3eda75d148.jpeg "[Translate to Romanisch:] Freilegung der Wandmalereien in der Klosterkirche")
1947 bis 1951: Ils frescos vegnan rendids visibels
Tranter 1947 e 1951 ha l'architect Walther Sulser, accumpagnà dal president da la Cumissiun federala per la tgira da monuments, professer Linus Birchler, manà la restauraziun da la baselgia claustrala. Cun l'agid da l'administratur pader Placidus Berther e diversas mungias ha il restauratur Franz Xaver Sauter fatg visibel ils maletgs medievals. Il far liber cun spateglia e martellin ha causà diversas perditas da colur. Per part han ins cumplettà quai che mancava.
