Peter e sia duonna vivaivan tuot cuntaints insembel. Peder es gnü üna jada pro els a chasa in visita. El ha vis la fich bella duonna da Peter, a Petra. Peder e Petra han adüna darcheu fat giò. Els s`han inamurats e vulaivan svelt far nozzas. Peter nu savaiva ch`els sajan inamurats. Els nu savaivan sco chi lessan far senza cha Peter nu chatta oura ch`els s`han inamurats. Scha Peter chattess quai oura, alura schloppessa`l da l`invilgia.
Ün di as inscuntran Peder e Petra e Peter vezza ch`els han fat giò. Peter es uschè nar ch`el voul üna jada discuorrer sulet cun Peder. Peter nu voul discuorrer cun Peder, dimpersè el til voul coppar. El til invida da gnir üna saira pro els a chasa per mangiar üna buna tschaina. Peder vaiva ün dubi e perquai ha`l fat üna poppa our da stoffa cun aint ketchup chi guardaiva oura sco el.
Peder es i la saira pro Peter. El ha darcheu vis a Petra. Peter es i in zacret ed intant ha Peder barattà la poppa cun el.
El e Petra sun mütschits sün ün`isla chi ha nom Lummerland. Peter vegn inavo dal zacret e vezza cha Peder es be plü sulet là. El piglia il curtè e til taglia giò il cheu. I vegn oura dapertuot ketchup cun quai cha Peder ha fat üna trapla a Peter.
Peter sbragia da la rabgia. El improva il sang da Peder e bada cha quai es be ketchup. Ün`otra duonna vezza quai e til güda. La duonna ha nom Helgrete. Directamaing as inamureschan els, amur sülla prüm`ögliada. Els van insembel aint illa chasa da la duonna e sun cuntaints. Peder cun sia Petra han eir fat nozzas, pacs dis davo chi sun arrivats süll`isla.
Giulia (13) e Simon (12)
6. classa Val Müstair
