Avant oneras, cura chi daiva amo spierts, existiva ün cudesch. In quel cudesch d’eira zoppà ün nosch spiert. Il cudesch toccaiva ad üna matta giuvna. Ella nu daiva grond bada al cudesch. Ma ün di es ella gnüda süll’idea da drivir il cudesch.
Plan planet driva ella il cudesch e guarda aint tuot buondriusa. Güst cur cha`l cudesch es dal tuot avert, vegn la mamma e tilla cloma. Ella va our da sia chombra e lascha il cudesch misterius tuot sulet avert sün maisa.
Davo tschinch minuts cumainza il cudesch a tremblar. Tuot in üna vouta svoulan spierts our dal cudesch, ün davo tschel. Ils spierts s’allegran dad esser deliberats our dal cudesch, e da pudair far festa insembel. Il cudesch rafüda da tremblar ed ils spierts crajan cha tuot ils spierts sajan our dal cudesch. Tuot in üna vouta cumainza il cudesch darcheu a tremblar ed ün nosch spiert vegn our dal cudesch. Ils buns spierts guardan tuot stramits sül nosch spiert.
Els crajan amo adüna cha aint in quel cudesch daja be buns spierts. Uossa cumainza il nosch spiert a svolar intuorn la chombra, e rumpa tuot. Plain temma provan els da tschüffer il nosch spiert, e da til serrar darcheu aint il cudesch. Davo üna pezza rivan els da til tschüffer. E per cha ningün nu riva mai plü il cudesch til han els zoppà aint illa clostra. Ils buns spierts han tschernü ün’oter dachasa in ün oter cudesch.
Šárka (12) Lina (12)
6. classa Val Müstair
