Suandai il tun dal zain liturgic ed entrai en il museum. Al cumenzament contemplais Vus la baselgia claustrala cun sias picturas muralas carolingicas e romanas. Quellas represchentan la vita da Cristus, dal patrun da la claustra Son Jon e d'auters sontgs. La visita dal museum maina Vus tras il claustrigl, en ils tschalers imposants ed en ils trais plauns sura da la tur da Planta. Vus emprendais d'enconuscher ils locals da represchentaziun, d'abitar e da durmir e la remartgabla stanza pitschnina, l'uschenumnà "Hohenbalkenzimmer". Exponats dal possess da la claustra raquintan d'ina claustra che viva.