Il museum da la claustra Müstair

Dudesch tschientaners d'istorgia da la claustra, da construcziun e d'art

Il museum da la claustra chattan ins en la Tur Planta, ina tur d'abitar e da defensiun ch'è passa milli onns veglia. Suandai il sun dal zainet liturgic e cumenzai cun ina guida cumpetenta in viadi tras 1200 onns d'istorgia da la claustra e da construcziun. Las mungias benedictinas da Müstair dattan a Vus in'idea da lur claustra e da lur vita d'ina giada e dad oz.

Vossa visita en il museum maina Vus en il claustrigl. Lura vesais Vus en il tschaler imposant da la Tur Planta ed en ils trais plauns sisur ina „claustra en la claustra“. Vus entrais en locals da represchentaziun e d'abitar, en chombras e localitads d'uraziun, sco er en la Chombra Balcun At, ina stiva eleganta dal temp baroc. Admirai ils chats archeologics, stgazis da l'istorgia d'art e juvels dal possess da la claustra.


Uraris d'avertura

Avert mintga di, cun excepziun dals 25 da december:

matg – october:
da las 9:00 – 17:00
la dumengia e dis da festa: 13:30 – 17:00

november – april:
da las 10:00 – 12:00 e da las 13:30 – 16:30
la dumengia e dis da festa: serrà l'avantmezdi

infurmaziun per visitaders