Museum, baselgia, chapella da la sontga crusch: purschidas, uraris, pretschs

Museum da la claustra

Dudesch tschientaners d'istorgia da la claustra, d'istorgia da la construcziun e da l'art

Il museum da la claustra è plazzà en la Tur Planta, la pli veglia tur d'abitar e da defensiun da las Alps (10-avel tschientaner). Sco part da la claustra cuntegna el stgazis da 1200 onns d'istorgia da la construcziun e da l'art. En pli dat il museum in'invista en la vita da las mungias benedictinas da Müstair da pli baud e d'oz.

Per 6 visitaders e dapli datti ina visita guidada. Quella è inclusa en il pretsch d'entrada. Gruppas supplitgain nus da s'annunziar. Ina visita guidada va ca. 75 minutas.

Il museum n'è betg stgaudà. P.pl. sa trair en chaud.

Creschids: CHF 12,-
Students, emprendists:  CHF 8.-
Scolars: CHF 6,-
Persunas en sutga cun rodas: (be plaunterren)
Uffants enfin 6 onns: gratuits
Pretschs per gruppas: sin dumonda

 

 

Visitas guidadas en baselgia

Baselgia claustrala dal 8-avel tschientaner

Ina visita guidada gida Vus d'encleger ils maletgs ch'èn 1200 onns vegls e lur concepziun en la baselgia claustrala da Müstair. I sa tracta dal pli grond e pli bain mantegnì ciclus da maletgs dal temp medieval tempriv. Las apsidas èn vegnidas surpicturadas enturn l'onn 1200 cun frescos romanics en colurs magnificas. La pli veglia statua monumentala da Carl il Grond dat testimonianza da la fundaziun da la claustra.

Per 6 visitaders e dapli datti ina visita guidada. Quella è inclusa en il pretsch d'entrada. Gruppas supplitgain nus da s'annunziar. Ina visita guidada va ca. 45 minutas.

La baselgia n'è betg stgaudada. P. pl. sa trair en chaud.

Creschids: CHF 10,-
Students ed emprendists: CHF 8,-
Scolars: CHF 5,-
Uffants enfin 6 onns: gratuits
Pretschs per gruppas: sin dumonda

Visita guidada cumbinada: baselgia e museum

Ina tala visita guidada è be pussibla per gruppas annunziadas (minimum 8 persunas)

Creschids: CHF 12.-
Students, emprendists e scolars: CHF 6.-
Pretsch spezial per gruppas da 20-25 persunas: CHF 200.-

Durada da la visita guidada: ca. 90 minutas

Visita guidada per l'exposiziun speziala OPUS SACRUM

per 6 persunas e dapli, durada ca. 75 minutas

Dal 25 da matg enfin ils 2 da november 2014 datti en la claustra Son Jon a Müstair in'exposiziun speziala per l'onn da giubileum "1200 onns Carl il Grond". Quella è deditgada a l'inventari singular d'architectura ed equipament carolingic en la claustra a Müstair. En il center stat la baselgia claustrala ch'è vegnida fabritgada enturn l'onn 775. Vaiders da colur da l'orient anteriur e marmel alv da Laas en il Vnuost dal Tirol dal sid cunfinant han ina giada embellì la baselgia magnifica. A l'ornamentica ritga da Müstair vegn exemplaricamain mess daspera pictura da manuscrits e cudeschs dal 8-avel e 9-avel tschientaner. Uschia pon ins far l'experientscha da la baselgia claustrala sco lieu cun revendicaziun imperiala da la dinastia carolingica en las Alps centralas.

Creschids: CHF 12.-
Students, emprendists e scolars: CHF 6.-
Gruppas (max. 25 persunas): CHF 200.-

Visitas guidadas per 6 persunas e dapli dals 25 da matg enfin ils 2 da november 2014: glindesi - sonda a las 11.30 / dumengia e dis da festa a las 14.30

dals 19 da zercladur enfin ils 7 d'avust: supplementarmain gievgia e venderdi a las 16.15, sco er sin dumonda

Chapella da la sontga crusch

In juvel dal temp carolingic

Las lavurs da la perscrutaziun da la construcziun e da la restauraziun vi da la fatschada èn vegnidas finidas l'onn 2011. Ils frescos en il plaun sut èn vegnids restaurads, il plaun sur cun ses stgazis è amez la fasa da restauraziun. Nus purschain la pussibilità da visitar nossa chapella dal 8-avel tschientaner quasi en il "work in progress" e dain uschia invista en ina da las pli interessantas plazzas da restauraziun da Müstair. La chapella po be vegnir visitada en il rom d'ina visita guidada. Ils termins relativs vegnan publitgads u fixads sin dumonda.

Durada da la visita guidada: ca. 60 minutas

Creschids: CHF 12.-
Students, emprendists e scolars: CHF 6.-
Uffants enfin 6 onns: gratuits
Pretschs per gruppas: sin dumonda

Visitas guidadas spezialas per classas da scola

Tematica e durada sin dumonda

Pretsch: CHF 6.- / scolar
per gruppas cun damain da 15 scolars: pauschal CHF 88.-

Visita guidada privata sin dumonda

Sin dumonda èsi pussibel da far er visitas guidadas cun damain che 6 persunas (tar la cumbinaziun museum & baselgia damain che 8 persunas).

Visita guidada en museum / baselgia / chapella da la sontga crusch: CHF 70.-
Fin e cun 5 persunas. Da 6 persunas davent valan ils pretschs normals.

Visita guidada cumbinada (baselgia e museum): CHF 88.-
Fin e cun 7 persunas. Da 8 persunas davent valan ils pretschs normals.

Remartgas

  • Visitas guidadas en tudestg, talian, englais, franzos e rumantsch
  • Pervia da casualias en baselgia (g.a. battaisems, nozzas u funerals) na pon visitas da la baselgia, resp. visitas cumbinadas betg vegnir garantidas en tut ils cas.
  • Retratga da visitas reservadas fin pli tard il di avant a las 17.00 tar museum & butia.
  • Sch'ina gruppa annunziada na vegn betg, vegn mess a quint 75% dal pretsch da la visita guidada.
  • Nus supplitgain d'esser punctual. Sche Vus avessas tuttina d'esser memia tard, dumandain nus d'infurmar nus.
  • Cars che vegnan nà dal Tirol dal sid, han da prender la ruta sur Spondinig / zona da mastergn Prad. (Scumonda da transit per cars tras Gluorn e Laatsch).
  • Il parcadi e la fermativa da l'auto da posta èn directamain visavi da la claustra.
  • Ins po er pajar cun EURO. Ils pretschs en € sa drizzan suenter il curs da stgomi CHF - EURO.

Uraris d'avertura, infurmaziuns, annunzias

Uraris d'avertura
Avert mintga di, cun excepziun dals 25 da december

Matg – October: 9:00 – 12:00 e da las 13:30 – 17:00
(butia da la claustra permanent da las 9:00 - 18:00)
la dumengia e dis da festa: serrà l'avantmezdi

November – Avril: 10:00 – 12:00 e da las 13:30 – 16:30
la dumengia e dis da festa: serrà l'avantmezdi

 

Infurmaziuns ed annunzias

museum & butia
T. +41 (0)81 858 61 89
visit-museum @ muestair.ch

 

 

Viadi