2007: Per l’emprima giada tut ils frescos da la baselgia en in cudesch illustrà

La societad d'als amis finanziescha in cudesch illustrà

Passa 100 onns suenter la scuverta dals emprims frescos carolingics en la baselgia claustrala vegnan per l'emprima giada tut ils frescos publitgads en in cudesch cun illustraziuns da gronda vista e da detagls, commentads ed uschia fatgs accessibels ad in public vast. Quest cudesch „Müstair: Die mittelalterlichen Wandbilder in der Klosterkirche“ è vegnì finanzià da la societad dals amis da la claustra.


Dapi co be in catalog dals maletgs

Tar la vernissascha dal cudesch ils 14 da zercladur 2007 en il Museum naziunal a Turitg ha l'anteriur professer per litteratura e cultura rumantscha, Iso Camartin, caracterisà il nov cudesch illustrà sco "in cudesch ch'ans fa fortunà, insatge grondius". Quest cudesch stupent pussibilitescha d'avair ina survista sur tut ils frescos da la baselgia claustrala.

Texts introductivs fundads al ciclus da maletgs ed al cumplex da la claustra servan d'encleger questa ovra d'art cumplessiva unica. Curtas descripziuns e citats biblics gidan da "leger" las singulas scenas da colur. Quatter plans gronds simplifitgeschan la localisaziun dals maletgs. Texts introductivs mussan ad encleger il senn dals singuls purtrets sco er da l'ovra d'art cumplessiva. L'istorgia dal salit cumpletta aveva emplenì l'entira baselgia enfin al davos angul.


Ils auturs dal cudesch illustrà

Vi dal cudesch illustrà han lavurà quatter auturs. L'archeolog ed istoricher d'art Dr. Jürg Goll che lavura dapi passa 25 onns en la claustra Son Jon a Müstair, è stà redactur e co-autur dal tom. Il istoricher d'art Matthias Exner declera il program dals maletgs en baselgia. La teologa Susanna Hirsch ha scrit las legendas da las illustraziuns ed ha collià mintga singula illustraziun cun in citat biblic correspundent. L'istoricher d'art Michael Wolf ha integrà tut las illustraziuns en quatter survistas generalas, grazia a las qualas ins po survesair per l'emprima giada tut ils purtrets en lur context.


En vendita en la butia da la claustra

Müstair: Die mittelalterlichen Wandbilder in der Klosterkirche“ è cumparì en lingua tudestga e taliana ed è en vendita en la butia da la claustra a Müstair. Ina resumaziun dat a Vus in'idea da quest cudesch illustrà fascinant.