1676: La stanza Albertis

Esser giast en la suita da las abadessas

Suenter la mort da l'abadessa Ursula V. Carl de Balcun At ils 5 da december 1666 han las otg mungias da la claustra elegì Dorotea de Albertis da Bormio sco successura. Sco sia antecessura Ursula Carl de Balcun At ha er ella bler fabritgà. Uschia ha ella fatg fabritgar sia residenza l'onn 1676 en la tur d'entrada gotica tardiva dal sid. Sur l'entrada da questa tur stattan oz las statuas da la Vergina Maria, dal Sontg Benedict e da la Sontga Scholastica. La stiva è decorada cun in plafond cun cassettas cun rosettas entagliadas e vopnas picturadas. Oz abita il spiritual da la claustra en la stanza De Albertis