1499: La battaglia da Chalavaina lascha enavos fastizs er en la claustra

Reconstrucziun tras l'abadessa Angelina Planta

Durant la battaglia da Chalavaina, la guerra tranter Grischuns e Tirolais, è la claustra vegnida incendiada. L'abadessa Angelina Planta ha stuì prestar blera lavur da reconstrucziun. Ella ha fatg finir il rinforzament cumenzà da las miraglias claustralas e da las turs da portal, fatg remplazzar il claustrigl, auzar il tract dal nord sin trais plauns, eriger ina stalla en il nord-vest da l'areal claustral, e na l'ultim da tut ha ella fatg fabritgar or danovamain la Tur Planta.


La Tur Planta è pli veglia che Angelina Planta

La Tur Planta porta ses num en regurdanza da l'abadessa Angelina Planta. Pir en ils onns novanta dal 20-avel tschientaner han ins perscrutà la Tur Planta archeologicamain. Ed ils scienziads han scuvert grazia a la dendrocronologia che la Tur Planta deriva dal 10-avel tschientaner.