1394: Urbari da la claustra cun illustraziuns
da Carl il Grond e Joannes Battista

Carl il Grond cun in model da la claustra

En l'urbari da l'onn 1394 vegnan mussads Carl il Grond sco fundatur da la claustra cun in model da la claustra e Joannes Battista sco patrun da la claustra. Ins presuma ch'er la statua da Carl il Grond en la baselgia ha purtà originalmain in model da la baselgia. Ed ins era gia daditg persvas che visavi a la stauta da Carl il Grond vi da la paraid tranter l'apsida centrala e quella dal nord saja stada er la figura dal patrun da la claustra, Joannes Battista. Pli probabel ha quest dissegn servì sco model.


Il pli vegl citat rumantsch en il chantun Grischun

En la cuverta da l'urbari chattan ins in protocol dal 1389 cun in citat rumantsch. Quai è il terz vegl document rumantsch ed il pli vegl en il chantun Grischun.